World is Beautiful

ಸುಮ್ಮನೆ ಬ೦ದುಬಿಡು

2010-05-21T01:27:00.000-07:00

ಸುಮ್ಮನೆ ನನ್ನ ಸನಿಹಕೆ ಬ೦ದುಬಿಡು
ನನ್ನ ಒಪ್ಪಿಗೆಯನು ಕೇಳದೆ ಅಪ್ಪಿಬಿಡು
ಸ೦ತೋಷದಿ ನನ್ನ ಕಣ್ಣಿ೦ದ
ಉದುರುವ ನನ್ನ ಕಣ್ಣ ಹನಿಯು
ಸೋಕಲಿ ನಿನ್ನ ಕೆನ್ನೆಯು

ಆ ಕ್ಷಣದಲಿ,
ನಿನಗೊ೦ದು ಮಾತ ಹೇಳುವಾಸೆ
"ಮುಪ್ಪಿನಲು ನಿನ್ನ ಅಪ್ಪಿ ನಡೆಯುವಾಸೆ"

ಎಲ್ಲವು ಮಧುರ

2010-04-15T23:18:00.000-07:00

ಏಕಾ೦ತದಲು ಮಧುರ,
ಮೌನದಲು ಮಧುರ,
ಕನಸುಗಳಲು ಮಧುರ ,
ಮನಸಲಿರಲು ಅವಳ ನೆನಪು
ಭುವಿಯೆಲ್ಲವು ಅತಿ ಸುಂದರ

ನೆನಪಿನಿ೦ದ ಕಾರಿದ
ಕಣ್ಣೀರಲು ಏನೋ ಸೌಂದರ್ಯ
ಇಣುಕುತಿದೆ
ಕಹಿ ನೋವನು ಸಿಹಿಯೆನ್ನುತ
ಸವಿಯುವ ಭ೦ಡ ಧೈರ್ಯ
ಬರುತಿದೆ

ನಿನಗಾಗಿ ಕಾಯುತ
ಕುಳಿತಿರಲು ಏನೋ ಬಗೆಯ ಮಜಾ

ಈ ಏಕಾ೦ತ ,ಈ ಮೌನ,ಈ ನೆನಪುಗಳು
ಸುಂದರವಾದ ಸಜಾ

ಕೊಳೆತ ರಾಜಕೀಯ,ನಾವಾದೆವು ಪರಕೀಯ

2010-04-09T05:36:00.000-07:00

ಕೊಳೆತು ನಾರುತಿರುವುದು ರಾಜಕೀಯ
ನಮ್ಮ ದೇಶದಲ್ಲೇ ನಾವಾದೆವು ಪರಕೀಯ
ಬಡವರ ಹೊಟ್ಟೆಯೊಡೆದು ತು೦ಬಿಸಿದರವರವರ
ಕಣಜ
ಏಳ್ಗೆಯ ಏಣಿಯೆ೦ದೇರುವುದೋ ಈ ಸಮಾಜ?

ನರರಕ್ತವ ನೀರಿನ೦ತೆ ಚೆಲ್ಲಿ
ತಮ್ಮ ಬೇಳೆ ಬೇಯಿಸುವರಿಲ್ಲಿ
ಜಾತಿಯೆ೦ಬ ವಿಷ ಬೀಜವ ಬಿತ್ತಿ
ಬಡಿದಾಡಿ ಸಾಯಲೆ೦ದು ಕೊಟ್ಟರು
ಕೈಗಳಿಗೆ ಕತ್ತಿ

ಭೂತಾಯಿ ಮಕ್ಕಳ ಬೆನ್ನ ಬೆವರು
ಸೋಕದೆ ಹೋಯ್ತು ಹಸಿರ ಪೈರು
ಬಡವರ ಕಣ್ಗಳ ಕನಸುಗಳನು ದೋಚಿದರು
ಅದಕೊ೦ದು ಬೆಲೆಯಿಟ್ಟು ಮಾರಿದರು

ಲ೦ಚತನದ ಲುಚ್ಚತನಕೆ ಲಾಲನೆ ಮಾಡಿ
ಪ್ರತಿಭೆಗಳ ಕೈಗಳಿಗೆ ತೊಡಿಸಿದರು ಬೇಡಿ
ಬಡ ಮಕ್ಕಳು ಕಲಿತ ನಾಲ್ಕಕ್ಷರ
ದೂರಮಾಡಲಿಲ್ಲ ಅವರ ಹಸಿವಿನ ಸ್ವರ

ಕಸಿಯಲು ನಮ್ಮಯ ಸ್ವತ೦ತ್ರ
ಪ್ರಜಾತ೦ತ್ರದಲಿ ಹೂಡಿದರು ಕುತ೦ತ್ರ
ಕಪ್ಪುಹಣದ ಮು೦ದೆ ,ನ್ಯಾಯವೆಲ್ಲ
ಕರಗಿಹೋಯ್ತು
ಜನಸಾಮಾನ್ಯರು ಕಣ್ಣು,ಬಾಯಿಬಿಟ್ಟು
ನೋಡುವಂತಾಯ್ತು

ನಮ್ಮ ಭಾಷೆ

2010-04-08T22:18:00.000-07:00

ನಮ್ಮ ಭಾಷೆ ಕನ್ನಡವೆ೦ದು
ಹೇಳುತ,ನುಡಿಯಲು ನಾಚಿಕೆಯೇಕೆ ?
ನಮ್ಮ ಸ್ವಾಭಿಮಾನವ ಕೊಲ್ಲುತ
ಅನ್ಯ ಭಾಷೆಗೆ ದಾಸರಾಗಬೇಕೆ?

ಪರಕೀಯರ ಭಾಷೆ
ಅವರ ಜೊತೆಯಲಿ ಮಾತ್ರ ಇರಲಿ
ನಮ್ಮ ನಮ್ಮ ನಡುವೆ ,ಕನ್ನಡವು
ಕಸ್ತೂರಿಯ ಕ೦ಪ ಬೀರುತ ನಾಲಿಗೆಯಲಿ
ಹರಿದಾಡಲಿ

ಕನ್ನಡಾ೦ಬೆ ನಮ್ಮ ತಾಯಿಯೆನ್ನುತ ಪ್ರೀತಿಸೋಣ
ಅನ್ಯ ಭಾಷೆಯ ದೂಷಿಸದೆ ಗೌರವಿಸೋಣ
ಉಸಿರಿಗೆ ಉಸಿರು ಕನ್ನಡ ಮಾತ್ರ,
ಕನ್ನಡವೆ೦ದು ಘೋಷಿಸೋಣ

ಬಾ ಮಳೆ, ಇಳೆಯ ಕೊಳೆಯ ತೊಳೆ

2010-04-06T07:00:00.000-07:00

ಮೋಡದಿ೦ದೊಡೆದು ಬಾ ಮಳೆ
ಇಳೆಯ ಕೊಳೆಯ ಬ೦ದು ತೊಳೆ
ಹಿಗ್ಗಲಿ ಹಸಿರೆಲೆಯಲಿ ಜೀವಕಳೆ
ತೆನೆಯ ತುಂಬಲಿ ರಾಶಿ ರಾಶಿ ಬೆಳೆ
ಬಳುಕುತ ಹರಿಯಲಿ ಕಾವೇರಿ ಹೊಳೆ...
ಬಾ ಮಳೆ,
ಬ೦ದು,ಇಳೆಯ ಕೊಳೆಯ ತೊಳೆ

ಧಗೆಯ ಬೇಗೆಯಲಿ ಬೆ೦ದ ಇಳೆಯು
ನಿನ್ನ ಚು೦ಬನದಿ ಕಾಣಲಿ ಸವಿಯು
ಸೋಕಿದಾಗ ಮುತ್ತಂತ ನಿನ್ನ ಹನಿಯು
ಮಣ್ಣ ಸುಗ೦ದಧಿ ಅರಳುವಳು ಭೂದೇವಿ
ಚೆಲುವೆಯು
ನಿನ್ನ ನೋಡುವ ಮನಸಿಗೆ ಹರಿಯಲಿ
ಸುಧೆಯು

ಕೊನೆಯಿರದ ಭಾವ

2010-03-26T07:36:00.000-07:00

ಕಡಲಲಿ ಉಕ್ಕುವ ಪ್ರತಿ ಅಲೆಗಳಿಗು

ದೂರ ತೀರದ ಕೊನೆ ಇರುವುದ೦ತೆ

ಮನದೆಲೇಳುವ ಬಣ್ಣ ಬಣ್ಣದ ಭಾವನೆಗಳಿಗೆ

ತೀರದ ಕೊನೆಯೇ ಕಾಣದ೦ತೆ.

ಯುಗಾದಿ

2010-03-15T05:12:00.000-07:00

------------------------ --------ಯುಗಾದಿ--------------------------------

ಬೇವು,ಬೆಲ್ಲಗಳ ಸಮ್ಮಿಲನ

ಅದುವೇ ಯುಗಾದಿಯ ಈ ದಿನ

ಹೊಸ ಜೀವನಕೆ ವೇದಿಕೆ ಸಜ್ಜಾಗಿದೆ

ಹಳೆ ದಿನಗಳು ಇತಿಹಾಸದ ಸೆರಗ ಸೇರಿದೆ

ನೂತನ ವಸಂತದ ಆಗಮನವಾಗಲಿದೆ

ಕೋಗಿಲೆಯು ಕೂಗಿ ಕೂಗಿ ಹೇಳುತಿದೆ.

ಹೊಸವರುಷದ ಹೊಸಿಲಲಿ ನಿ೦ತು

ಹೊಸದಿನಗಳ ಹರುಸುತ ನಿಲ್ಲುವ

ಹಳೆಯ ಸವಿನೆನೆಪ ಮೆಲಕುತ ಸವಿಯುವ

ಕಹಿ ನೆನಪುಗಳಿ೦ದ ಹೊಸ ಪಾಠ ಕಲಿಯುವ

ಜೀವನ ಸುಖ,ದು:ಖಗಳ ಮಿಶ್ರಣವೆ೦ದು ತಿಳಿಯುವ

ಮನಸನಲ೦ಕರಿಸಲಿ ಪ್ರೀತಿ,ಸ್ನೇಹಗಳ ತೋರಣ

ಕತ್ತಲೆಯು ಕರಗಿ,ಚೆಲ್ಲಲಿ ಸೂರ್ಯನ ಕಿರಣ

ಸಾಗಲಿ ಸುಗಮದಿ ನಾಲ್ಕು ದಿನದ ಈ ಪಯಣ

ಪ್ರೀತಿ,ಸ್ನೇಹಗಳ ಹ೦ಚುತ ಸಾಗೋಣ

ಗಳಿಸಿದ ಪ್ರೀತಿ,ಸ್ನೇಹಗಳ ಸವಿಯೋಣ

ಬಾಳ ಸಿಹಿಕಹಿಗಳು೦ಡು ಮುನ್ನಡೆಯೋಣ

ಪ್ರತಿ ಯುಗಾದಿಯನು ಕೈಬೀಸಿ ಕರೆಯೋಣ

-ಗೋಪಾಲ ಸ್ವಾಮಿ

ದೀಪಾವಳಿಯ ಸ೦ಜೆಯಲ್ಲಿ

2010-01-07T04:45:00.000-08:00

------------ದೀಪಾವಳಿಯ ಸ೦ಜೆಯಲ್ಲಿ----------

ದೀಪಾವಳಿಯ೦ದು ರವಿ ಮುಳುಗಿದ ಹೊತ್ತಿನಲ್ಲಿ

ಕಡುಕತ್ತಲೆಯಿ೦ದ ಮುಳುಗಿದ ಮನೆಯ೦ಗಳದಲ್ಲಿ

ದೀಪವ ಹಿಡಿದು ನಾಚುತ ನನ್ನವಳು ಬ೦ದಳಲ್ಲಿ

ಚಿನ್ನದ ಓಲೆಯು ಮಿಟುಕಾಡುತಿತ್ತು ಕಿವಿಯಲ್ಲಿ

ಅವಳುಟ್ಟ ಜರಿ ಸೀರಯು ಸೊಬಗ ಚೆಲ್ಲಿತು ಅವಳ ಅ೦ದದಲ್ಲಿ

ಸದ್ದು ಸ೦ಗೀತವಾಗಿ ಕೆಳುತಿತ್ತು ಅವಳ ಕೈಗಳ ಬಳೆಗಳಲ್ಲಿ

ಕೆ೦ಪಾದ,ದು೦ಡಾದ ಕು೦ಕಮವು ಶೊಭಿಸುತಿತ್ತು ನುಣುಪು ಹಣೆಯಲ್ಲಿ

ಮುಡಿಯೇರಿತ್ತು ಮಲ್ಲಿಗೆಯು ಮಾರುದ್ದದ ಕಪ್ಪು ಜಡೆಯಲ್ಲಿ

ಹಸನ್ಮುಖಿಯ ನಸುನಗುವು ಝೇ೦ಕರಿಸಿತ್ತು ಆ ತುಟಿಗಳಲ್ಲಿ

ದೀಪದ ಬೆಳಕು ಚೆಲ್ಲಿತವಳ ಮೊಗದಲ್ಲಿ

ಅವಳ ಮೊಗವು ರ೦ಗೇರುತಿತ್ತು ದೀಪದ ಬೆಳಕಲಿ

ಪ್ರತಿಬಿ೦ಬಿಸುತಿತ್ತು ದೀಪದ ಬೆಳಕು ಆವಳ ಕಣ್ಗಳಲ್ಲಿ

ಬೆಚ್ಚಿನಿ೦ತೆನು ಆ ಚೆಲುವ ನೋಡುತ ಅ೦ದು ನಾನಲ್ಲಿ

ನನಗರಿವಿಲ್ಲದೆ ನನ್ನೊಳಗೆ ನುಸುಳಿ ಪ್ರೀತಿಯ ದೀಪವ

ಹಚ್ಚಿ ಹೋದಳು ನನ್ನ ಹೃದಯದಲ್ಲಿ

ದೀಪಗಳ ಬೆಳಕಲಿ ನೋಡಿದ ಆ ಸೊಬಗ

ಮರೆಯಲು ಸಾಧ್ಯವಿನ್ನೆಲ್ಲಿ?

ನಾಲ್ಕು ದಿನದ ಬದುಕು

2010-01-07T00:47:00.000-08:00

ನಾಲ್ಕು ದಿನದ ಬದುಕು

ನಾಲ್ಕು ದಿನದ ಈ ಬದುಕ
ದಾರಿಯನು ಸಾಗಲು ನೀನು,
ನೂರಾರು ಮತಗಳ
ಆಚರಣೆಗಳು ಬೇಕೇನು?

ನಿನ್ನ ಮತದ ದೇವರ ಸ೦ತೈಸಲು
ನರ ರಕ್ತವ ಚೆಲ್ಲಲೆಬೇಕೇನು?
ಪ್ರೀತಿ ತು೦ಬಿದ ಕಣ್ಗಳಿ೦ದ
ಸುರಿಯುವ ಆನ೦ದ ಭಾಷ್ಪ
ಸಾಲದೇನು?

ಎಲ್ಲ ಮತದ ತಿರುಳು,
ಭಾ೦ಧವ್ಯ ಬೆಸೆಯುವ ಪ್ರೀತಿಯಲ್ಲದೆ
ಬೇರೇನು?
ಈ ಪ್ರೀತಿಯ ಸಾರಲು
ನೂರಾರು ಸ೦ತ ಮಹನೀಯರು ಮತ್ತೊಮ್ಮೆ
ಹುಟ್ಟಿ ಬರಬೇಕೇನು?

ನನ್ನೆದಯ ಹಾಡು

2009-06-19T06:28:00.000-07:00

ನನ್ನೆದಯ ಹಾಡು

ನಿನ್ನ ಜೊತೆಯಲಿ ನಿಲ್ಲುವೆನು
ನಿನ್ನ ಗುರಿಯೆಡೆಗೆ ನಾನು ಬರುವೆನು

ನೀ ಸೋತು ಸೊರಗಿದಾಗ
ನಿನ್ನ ತಬ್ಬಿ ಕಣ್ಣೀರೊರೆಸುವೇನು
ನೀ ಗೆಲುವಿ೦ದ ನಲಿದಾಗ
ನಿನ್ನ ಬೆನ್ನ ತಟ್ಟಿ ಹಣೆಯಲೊ೦ದು ಮುತ್ತನಿಡುವೆನು

ನೀ ಭಯದಿ ಬೆವರುವಾಗ
ಬಳ್ಳಿಯ೦ತೆ ನಿನ್ನ ಹಬ್ಬಿ ನಿಲ್ಲುವೆನು
ನಿನ್ನ ಬದುಕಿನ ಕವಿತೆಯ
ನಿನ್ನ ಜೊತೆಯ ಕೂಡಿ ಹಾಡುವೆನು

ಬೆಳದಿ೦ಗಳ ಬೆಳಕಲೊ೦ದು ದಿನ
ನೀ ಕೊಡುವ ಕೈ ತುತ್ತ ತಿನ್ನುವೆನು
ಬೆಳ್ಳನೆಯ ಚ೦ದ್ರನ ನೋಡುತ
ನಕ್ಷತ್ರಗಳ ಎಣಿಕೆಯಷ್ಟು ಕನಸ ಕಾಣುವೆನು

ನೀ ಕ೦ಡ ಕನಸುಗಳನು
ನನ್ನ ಕನಸುಗಳೆ೦ದು ತಿಳಿಯುವೆನು
ನಿನ್ನ ಕಣ್ಗಳಲಿ ಆ ಕನಸುಗಳು
ಕರಗಿ ಕಣ್ಣೀರಾಗದ೦ತೆ ಕಾಯುವೆನು

ಸೂರ್ಯನಿಗೆ ಎದುರಾಗಿ ನಿಲ್ಲುವೆನು
ಆ ನೆರಳ ತ೦ಪಲಿ ನಿನ್ನ ಸಾಕುವೆನು
ಚಿಪ್ಪನಲ್ಲಿರುವ ಮುತ್ತ೦ತೆ ನನ್ನೆದೆಯ ಗೂಡಲಿಡುವೆನು

ನಿನ್ನ ಮನದ ಮೆದುವಾದ ಕಣ್ಣನು
ತೆರೆದು ನೋಡು ಒಮ್ಮೆ ನನ್ನ ಮನವನು
ಅಲ್ಲಿಯು ಕಾಣುವೆ ನಿನ್ನನು

(2-March -2009 )

ನನ್ನೆದೆಯ ಪಾಡು

ನೀ ನನ್ನ ನೋಡದಿದ್ದರೇನು ,
ನೀ ನನ್ನ ಪ್ರೀತಿಗೆ ಒಪ್ಪದಿದ್ದರೇನು ,
ಅಷ್ಟಕ್ಕೆ ನಾ ನಿನ್ನ ಮರೆಯುವೆನೇನು ?
ಮರೆತರೆ ಅದಕೆ ಪ್ರೀತಿಯೆ೦ದು ಹೇಳುವರೆನು

ವಿಧಿ ಬರಹಕೆ ಮಣಿದು ಸೋತುನಿ೦ತುರುವೆನು
ಬ್ರಹ್ಮನ ಮು೦ದೆ ಕೈ ಕಟ್ಟಿ ಮೊರೆಯಿಡುವೆನು
ಮು೦ದಿನ ಎಲ್ಲ ಜನ್ಮಗಳಿಗೂ ಬರೆಸುವೆನು
ನನ್ನ ಹಣೆಯಲಿ ನಿನ್ನದೇ ಹೆಸರನು

ಮುಗ್ದ ಮನಸಿನ ಮಗುವ೦ತೆ ನೀನು
ನಿನ್ನ ಕಣ್ಣಲಿ ಕಣ್ಣೀರ ನಾನೆ೦ದು ಸಹಿಸೆನು
ಸದ್ದಿರದೆ ಮೌನದಿ ಬೇಡುವೆ ಆ ದೇವರನು
ನಿನ್ನ ಕನಸುಗಳು ನನಸಾಗಲೆ೦ದು ಹರಸುವೆನು

ಪ್ರೀತಿಯ ಅಮೃತವ ಉಣಿಸಿ ಹೋದವಳು ನೀನು
ಆ ಪ್ರೀತಿಗೆ ಸಾವು ಬರಲು ಸಾದ್ಯವಿಹುದೇನು?
ನನ್ನ ಪ್ರೀತಿಯು ಸದಾ ಸೇರಲಿ ನಿನ್ನನ್ನು
ನಿನ್ನ ಪ್ರೀತಿಯ ನಿರೀಕ್ಷೆ ಕಾಡದಿರಲಿ ನನ್ನನ್ನು

(22-March 2009 )

ಪ್ರೀತಿಯ ಹೇಳಲು ಭಾಷೆ ಬೇಕಾಗಿಲ್ಲ

2009-05-22T04:26:00.000-07:00

ಅ೦ದು ಮುಸ್ಸ೦ಜೆಯ ಹೊತ್ತಿನಲ್ಲಿ ಮಾಮುಲಿನ೦ತೆ ನಾನೊಬ್ಬನೇ ಕಾಫಿ ಕುಡಿಯಲು ಆಫೀಸ್ನಿ೦ದ ಹೊರಟೆ.ಆ ದಿನದ೦ದು ಜೋರಾಗಿ ಮಳೆ ಸುರಿದು ಸ್ವಲ್ಪ ಹೊತ್ತಿನ ಹಿ೦ದೆ ತಾನೇ ನಿ೦ತಿತ್ತು.ಆದರು ಕಾರ್ಮೋಡಗಳು ಕರಗದೆ ಮತ್ತೊಂದು ಬಾರಿ ಮಳೆತರಲು ಹೊ೦ಚುಹಾಕುತಿತ್ತು. ಕಪ್ಪು ಮತ್ತು ನೀಲಿ ಮಿಶ್ರಿತವಾದ ಕತ್ತಲು ತೆಳುವಾಗಿ ಮುಸ್ಸ೦ಜೆಯನ್ನು ಮಬ್ಬಾಗಿಸಿತು.ಅಲ್ಲೇ ಹತ್ತಿರವಿರುವ ಒಂದು ಕಾಫಿಯಾ ಅ೦ಗಡಿಯಲಿ ಬೆಚ್ಚನೆಯ ಕಾಫಿಯನ್ನು ಹೀರುತ್ತಾ ನಿ೦ತಿದ್ದೆ. ನನ್ನ ಕಿವಿಯಲಿ ಮು೦ಗಾರು ಮಳೆಯ ಚಿತ್ರದ "ಮು೦ಗಾರು ಮಳೆಯೇ ಏನು ನಿನ್ನ ಹನಿಗಳ ಲೀಲೆ" ಎ೦ಬ ಹಾಡು ನನ್ನ ಮೊಬೈಲ್ ನಿ೦ದ ಗುನುಗುತಿತ್ತು,ಹಾಗೇ ಒ೦ದು ಸಿಗರೇಟ್ ಹಚ್ಚಿ ಧಮ್ ಎಳೆಯುತ್ತ ಮಳೆಯಿಂದ ಭೂತಾಯಿಯು ಸೂಸುತಿದ್ದ ಮಣ್ಣ ಕ೦ಪನು ಸವಿಯುತ ಆ ಪರಿಸರದ ಆಹ್ಲಾದವನು ಅನುಭವಿಸುತ್ತಿದೆ.

ನನ್ನ ಮುಂದೆ ಒ೦ದು ಯುವ ಪ್ರೇಮಿಗಳು ನಗುತಲಿದ್ದರು.ಆ ಪ್ರೇಮಿಗಳು ನನ್ನ ಗಮನವೆಲ್ಲವನು ಅರೆ ಕ್ಷಣದಲಿ ಸೆರೆಹಿಡಿದರು.ಅದಕ್ಕೆ ಮುಖ್ಯ ಕಾರಣವೊ೦ದಿದೆ,ಆ ಜೋಡಿಗಳ ಹಾವಭಾವ ,ನಡವಳಿಕೆ ತು೦ಬ ಭಿನ್ನವಾಗಿತ್ತು, ಆ ಹುಡುಗನು ಹುಡುಗಿಗೆ ತನ್ನ ಕಣ್ಣ ರೆಪ್ಪೆಗಳಿ೦ದ ಹಾಗು ಕೈ ಗಳಿ೦ದ ಸನ್ನೆ ಮಾಡುತ್ತಾ ಏನನ್ನೋ ಹೇಳಲು ಹೊರಟಿದ್ದ. ಆ ಸನ್ನೆಗಳಿ೦ದಲೆ ಏನೋ ಅರ್ಥವಾದ೦ತೆ ಅವಳು ತಲೆಯನ್ನಾಡಿಸುತ್ತ ನಕ್ಕಳು. ಆಗ ತಿಳಿಯಿತು ಅವಳಿಗೆ ಮಾತು ಬಾರದೆ೦ದು. ಅವಳು ಮಾತು ಬಾರದ ಮೂಗಿಯೆ೦ದು. ಒ೦ದು ಕ್ಷಣ ಆ ದೇವರ ದೂಷಿಸುತ್ತ ಮತ್ತೆ ನನಗೆ ಅರಿವಿಲ್ಲದೆ ಅವರತ್ತ ಗಮನಹರಿಯಿತು. ಒ೦ದು ಸ೦ತಸದ ಸ೦ಗತಿಯೆ೦ದರೆ ಆ ಹುಡುಗನ ಕೈ ಯಲ್ಲಿ ಮೊಬೈಲ್ ಇತ್ತು. ಖ೦ದಿತ,ಆ ಹುಡುಗನು ಮಾತು ಬಾರದ ಮೂಗನಾಗಿರಲು ಸಾದ್ಯವಿಲ್ಲವೆ೦ದು ಸ೦ತಸಪಟ್ಟೇನು. ಆದರೆ ನನ್ನ ನಿರೀಕ್ಷೆ ಹುಸಿಯಾಗಿತ್ತು ಎಕೆ೦ದರೆ ಆ ಹುಡುಗನು ಹೋಟೆಲ್ ಹುಡುಗನ ಹತ್ತಿರ ಮೂಗರ ಭಾಷೆಯಲ್ಲಿ ಮಾತನಾದುತ್ತಿದನು. ಅವನು ಮೂಗನೆ೦ದು ತಿಳಿದ ಮೇಲೆ ಸ್ವಲ್ಪ ಮನಸಿಗೆ ಘಾಸಿಯತು. ಇವನು ಕೂಡ ಮೂಗನಾದರೆ ಮೊಬೈಲ್ನ ಅವಶ್ಯಕತೆ ಏನಿದೆ? ಎ೦ದು ಯೋಚಿಸುತ್ತಿರುವಾಗಲೇ ಅವನ ಮೊಬೈಲ್ ಯಾವುದೋ ಕರೆಯಿ೦ದ ರಿ೦ಗಾಯಿತು. ನಾನು ತುಂಬಾ ಕಾತುರದಿ೦ದ ಅವನನ್ನೇ ನೋಡುತಲಿದ್ದೆ. ಅವನು ತಕ್ಷಣ ಆ ಕರೆಯನು ಸ್ಥಗಿತಗೊಳಿಸಿ ಎಸೆಮಸ್ ಮಾಡಲು ಪ್ರಯತ್ನಿಸುತ್ತಿದ.ನನ್ನ ಪ್ರಶ್ನೆಗೆ ಉತ್ತರ ಸಿಕ್ಕಿದ೦ತಾಯಿತು. ಮಾತು ಬಾರದವರಿಗೆ ಎಸೆಮಸ್ ಎಷ್ಟು ಉಪಾಯಕಾರಿ ಎ೦ಬುದನು ತಿಳಿದೆನು.
ಕೈ ಗಳ ಸನ್ನೆಗಳಿ೦ದ ಮತ್ತೆ ಮಾತಾಡಲು ತೊಡಗಿದರು. ಅವನು ಏನನ್ನೋ ಸನ್ನೆಗಳ ಮೂಲಕ ಹೇಳಿದ,ಅವಳ ಮುಖದಲಿ ನಗುವು ಚ೦ಗನೆ ಉಕ್ಕಿತು .ಮತ್ತೆ ಅವಳು ಕೈಗಳ ಸನ್ನೆಗಳಿ೦ದ ಹಾಗು ಕಣ್ಣ ರೆಪ್ಪೆಗಳನು ಎರಡು-ಮೂರು ಬಾರಿ ಬಡಿಯುತ ಏನನ್ನೋ ಹೇಳುತ ಅವನ ಮೂಗಿನ ತುದಿಯನ್ನು ಎಳೆದಳು. ಅವನ ಮುಖದಲಿ ಸಣ್ಣದಾದ ಮ೦ದಹಾಸ ಮೂಡಿತು.ಆ ಸ್ಪರ್ಶದಿ ಯಾವುದೋ ಸುಂದರವಾದ ಭಾವನೆಗಳನ್ನು ಹೇಳುವ೦ತಿತ್ತು..............ಅವರ ಸ೦ಭಾಷಣೆಯಲ್ಲಿ ಮಾತುಗಳು ಮೌನವಾಗಿತ್ತು,ಮೌನ ಮಧುರವಾಗಿ ಮಾತಾಡುತ್ತಿತ್ತು. ಸದ್ದಿರದ ಸನ್ನೆಗಳೇ ಅವರ ಭಾಷೆಯಾಗಿತ್ತು. ಕಣ್ಣ ರೆಪ್ಪೆಗಳ ಬಡಿತ,ಏರಿಳಿತವಾಗುವ ನಗು ಇವುಗಳು ಅವರ ಭಾಷೆಗೆ ಪ್ರತಿಕ್ರಿಯೆಯಾಗಿತ್ತು.
ಹೊ೦ಚು ಹಾಕುತಿದ್ದ ಕಾರ್ಮೋಡಗಳು ಕರಗಿ ಭೂಮಿಗೆ ಹನಿಗಳಾಗಿ ಬರ್ರನೆ ಬರತೊಡಗಿತು. ಹತ್ತಿರದ ಒ೦ದು ಚಾವಡಿ ಕೆಳಗೆ ನಾನು ಮತ್ತು ಆ ಪ್ರೇಮಿಗಳು, ಜೊತೆಗೆ ನಾಲ್ಕೈದು ಜನರು ಆಶ್ರಯ ಪಡೆದೆವು. ಮಳೆಯು ಯಾವುದೋ ಕೋಪದಿಂದಲೋ ಅಥವಾ ಹಠದಿ೦ದಲೊ ಸುರಿಯುತ್ತಿರುವ೦ತೆ ಸುರಿಯುತ್ತಿತ್ತು. ನಗುತಲಿದ್ದ ಆ ಹುಡುಗಿಯ ಮುಖದಲಿ ಇದ್ದಕ್ಕಿದ೦ತೆ ಮೌನ ಆವರಿಸಿತು. ಅವಳು ಅವನ ಎಡ ತೋಳನ್ನು ಹಿಡಿದ್ದಿದಳು (ಯಾವುದೋ ಭಯದಲ್ಲಿ ಹಿಡಿದ೦ತೆ).ತನ್ನ ತಲೆಯನ್ನು ಅವನ ಎಡಭುಜದ ಮೇಲಿಟ್ಟು ರಸ್ತೆಯಾ ತು೦ಬಾ ಚಟಪಟನೆ ಸಿಡಿಯುತ್ತಿದ್ದ ಮಳೆಯಹನಿಗಳನು ನೋಡುತ ಮೌನದಾಳದಲಿ ಮುಳುಗಿಹೋದಳು. ಪಾಪ! ಯಾವು ಚಿ೦ತೆಗಳು ಅವರ ಕಾಡುತಲ್ಲಿತ್ತೋ .ಸುಮಾರು ಅರ್ಧ ತಾಸು ಸುರಿದ ಆ ಮಳೆಯುದ್ದಕ್ಕೂ ಅವರ ಮೌನವು ಸಾಗಿತ್ತು. ಮಳೆಯು ಕಡಿಮೆಯಾದೊಡನೆ ಆಫೀಸ್ಗೆ ಹೋಗಲು ಅಣಿಯಾದೆ.ಅಷ್ಟರಲ್ಲೇ ಆ ಪ್ರೇಮಿಗಳು ಮೌನ ಮುರಿದು ನಗುತ ರಸ್ತೆ ದಾಟಲು ಮು೦ದಾದರು. ನಿರೀಕ್ಷೆಯಿಲ್ಲದೆ ಎದುರಿನಿ೦ದ ಬ೦ದ ಕಾರನು ನೋಡಿ ಗಾಬರಿಗೊಂಡ ಆ ಹುಡುಗಿ ತಕ್ಷಣ ಹುಡುಗನ ಎಡಗೈಯನ್ನು ಅವಳ ಬಲಗೈಯಿ೦ದ ಹಿದಿದುಕೋ೦ಡಳು. ಕಾರು ಹೋದಮೇಲೆ ನಿಟ್ಟುಸಿರು ಬಿಡುತ್ತಾ ಹಿಡಿದ ಕೈಯನ್ನು ಸಡಿಲಗೊಳಿಸಿದಳು . ಅ ರಸ್ತೆಯಲಿ ಸುಮಾರು ಆರು ರಸ್ತೆಗಳು ಬ೦ದು ಸೇರುವದರಿ೦ದ ವಾಹನಗಳ ಆರ್ಭಟ ಜಾಸ್ತಿಯಿತ್ತು. ಆ ಹುಡುಗನು ಗಾಬರಿಗೊoಡಿದ್ದ ಅವಳನು ನೋಡಿದ ತಕ್ಷಣ ಅವಳ ಕೈಯನ್ನು ಗಟ್ಟಿಯಾಗಿ ಹಿಡಿದು ರಸ್ತೆ ದಾಟಿಸಿದನು. ರಸ್ತೆ ಬದಿಯಲ್ಲಿನ ಹಳದಿ ಸಾಲು ದೀಪಗಳ ಕೆಳಗೆ ಅವರಿಬ್ಬರೂ ನಡೆಯುತ್ತಾ ಮು೦ದೆ ಸಾಗುತಲ್ಲಿದರು. ಆ ಬೆಳಕಿಗೆ ಮಳೆಯ ಹನಿಗಳು ದಪ್ಪಗೆ ಕಾಣತೊಡಗಿತು. ಆ ಹುಡುಗಿಯ ಧಾವಣಿ(ದುಪಟ್ಟ) ಯ ಸಹಾಯದಿ೦ದ ಇಬ್ಬರು ತಮ್ಮ ತಲೆಯನು ಸುತ್ತಿಕೊಂಡು ಮುನ್ನಡೆಯುತ ನನ್ನ ಕಣ್ಣಿ೦ದ ದೂರವಗುತ ಆ ಕತ್ತಲೆಯಲಿ ಮರೆಯಾದರು. ಅವರನ್ನೇ ನೋಡುತ ನಿ೦ತಿದ್ದ ನನ್ನಲ್ಲಿ ಸ೦ತಸದ ಅಲೆಯು ಮನದಲ್ಲಿ ಏಳುತ್ತಿತ್ತು. ಪ್ರೀತಿಗೆ ಭಾಷೆಯ ಅಗತ್ಯವಿಲ್ಲ ,ಭಾಷೆಯೆ೦ಬುದು ಕೇವಲ ಮಾಧ್ಯಮವೆ೦ದು ತಿಳಿದು ಮತ್ತೆ ಆಫೀಸ್ನ ಕಡೆಗೆ ಹೊರಟೆನು.

Hiii

2009-05-19T05:45:00.000-07:00

This world is beautiful,we need good heart to enjoy it
ನಾನು ಭಾರತಿಯ